Mkuu wa Mkoa wa Mara avutiwa na Ubunifu wa VETA

Mkuu wa Mkoa wa Mara, Mhe. Adam Malima tarehe 7 Agosti, 2020  ametembelea banda la VETA kwenye maonesho ya Nanenane kitaifa katika viwanja vya Nyakabindi wilayani Bariadi, Simiyu na kufurahishwa na ubunifu wa walimu na wanafunzi wake.

Akiwa katika banda la VETA ambapo alijionea ubunifu wa teknolojia mbalimbali alisema amevutiwa na namna ambavyo VETA imebeba vyema majukumu yake.

"Kimsingi hili ndilo jukumu la VETA na mnapaswa kuliendeleza. VETA inatakiwa mara kwa mara kuangalia changamoto za jamii na kubuni teknolojia na vitu mbalimbali kutoa suluhisho la changamoto hizo".Alisema

Miongoni mwa ubunifu aliovutiwa nao ni mashine ya kutotolesha vifaranga inayotumia mafuta ya taa, kitanda tiba, benchi lenye matumizi mbalimbali (Benchi meza mkunjo) na mashine ya kuzidua unga wa ubuyu.

Mhe. Malima aliagiza  kutengenezewa benchi meza mkunjo mbili.