CONTACT US: VETA Head Office, P.O.Box 802 Dodoma Tanzania, Plot No. 18, Central business Park (CBP). E-mail: info@veta.go.tz / pr@veta.go.tz/ Telephone: +255 26 2963661 Mobile +255 755267489 Fax: +255 22 2863408 / Url: www.veta.go.tz

Thursday, 28 July 2022

TANGAZO: NAFASI ZA MASOMO BURE KWA KOZI YA UMEME WA MAJUMBANI KUPITIA MFUMO WA VSOMO

 


Chuo cha TEHAMA VETA Kipawa kwa Kushirikiana na Forum for International Cooperation (FIC) tunatoa nafasi za Masomo BURE kwa Kozi ya Umeme wa Majumbani kupitia mfumo wa VSOMO.

Katika kozi hii, Mwanafunzi utasoma masomo ya nadharia kupitia VSOMO App inayopatikana Google Play Store, kisha utajiunga na Chuo cha TEHAMA VETA Kipawa kwa ajili ya Mafunzo ya Vitendo kwa muda wa Wiki Mbili. Mafunzo yataanza kuanzia Tarehe 9/08/2022, Baada ya Kuhitimu, mwanafunzi utakayefaulu utatunukiwa  Cheti.

Nafasi zilizopo ni kwa wanafunzi 100 Tu.

Namna ya Kuomba ufadhili huu:

1: Pakua VSOMO App kupitia Google Play store Link https://bit.ly/3nnYBV6

2:  Jisajili kwenye mfumo wa VSOMO

3: Kisha Chagua Ajira Kwa Vijana na ujaze fomu ya maombi!

 NB: Wanawake wanahimizwa kuomba nafasi hizi

 Mwisho wa kutuma Maombi ni Tarehe 31/07/2022

 Kwa Mawasiliano tafadhali Piga au Whatsapp 0714720381

 Tangazo hili limetolewa na Ofisi ya Mkuu wa Chuo cha TEHAMA VETA Kipawa.

Madereva Bodaboda na Bajaji wahamasishwa kupata mafunzo kwenye vyuo vya VETA

 

Mamlaka ya Elimu na Mafunzo ya Ufundi Stadi (VETA) imewahamasisha madereva bodaboda na Bajaji nchini kupata mafunzo ya udereva kwenye vyuo vya VETA nchini ili kukidhi vigezo vya kupata leseni za kuendesha vyombo hivyo.


Hamasa hiyo imetolewa  Julai 24, 2022  jijini Dodoma wakati wa Kongamano la Kuimarisha Ushiriki wa Waendesha Bodaboda na Bajaji katika Sensa ya Watu na Makazi Agosti 2022 ambapo VETA ilialikwa kufanya maonesho.

Mkurugenzi wa VETA Kanda ya Kati, Ndugu John Mwanja, aliiwakilisha VETA kwenye kongamano hilo lililofanyika katika ukumbi wa Jakaya Kikwete ambapo Mgeni Rasmi alikuwa Mkuu wa Mkoa wa Dodoma, Mhe. Anthony Mtaka.

Kongamano hilo limejumuisha waendesha bodaboda na Bajaji zaidi ya 3000 kutoka Mikoa mbalimbali ya Tanzania Bara.




Thursday, 23 June 2022

Maafisa Rasilimali Watu VETA waaswa kushughulikia changamoto za watumishi kwa weledi na wakati

 

Maafisa Rasilimali Watu wa Mamlaka ya Elimu na Mafunzo ya Ufundi Stadi (VETA) wameaswa kushughulikia changamoto za watumishi kwa wakati na kwa weledi ili kupunguza malalamiko ndani ya Mamlaka.

Wito huo umetolewa, Jumatano, tarehe 22 Juni 2022 na Kaimu Mkurugenzi Mkuu wa VETA, CPA. Anthony Kasore, wakati akifungua kikao-kazi cha Maafisa hao kinachofanyika katika Chuo cha VETA, jijini Dodoma.

Amesema ushughulikiaji vyema wa changamoto za wafanyakazi unachangia kwa kiasi kikubwa kupunguza migogoro na kuongeza tija na ufanisi kazini.

Amepongeza hatua ya uandaaji kikao-kazi hicho, akisema kuwa ni muhimu katika kujengeana uwezo, kupeana miongozo na kujadili masuala mbalimbali yanayohusu utumishi wa umma kwa lengo la kuboresha utendaji kazi.

“Kumekuwa na mabadiliko ya sheria na miongozo mbalimbali inayohusu utumishi wa umma inayotolewa na Serikali. Ni muhimu kukutana na kupata fursa ya kuipitia, kuitafsiri na kupata uelewa wa pamoja na hatimaye kuitekeleza vyema,” amesema.

Awali, Kaimu Mkurugenzi wa Rasilimaliwatu na Utawala VETA, Ndugu Felix Staki, ametaja baadhi ya mambo watakayojifunza na kujadiliana katika kikao hicho kitakachofanyika kwa siku nne kuwa ni pamoja na mabadiliko ya sheria na miongozo mbalimbali ya utumishi wa Umma, utaratibu wa kushughulikia masuala ya kinidhamu ya watumishi na namna ya kushughulikia malalamiko ili kupunguza malalamiko sehemu za kazi.

Amesema mada mbalimbali zitawasilishwa na wawezeshaji kutoka Tume ya Utumishi wa Umma.




Monday, 20 June 2022

HERI YA MITIHANI YA UFUNDI STADI

 


MAOMBI YA KUJIUNGA NA KOZI YA CHETI CHA WALIMU WASAIDIZI WA UFUNDI STADI NA KOZI YA STASHAHADA YA UALIMU WA UFUNDI NA UFUNDI STADI KWA MUHULA WA MASOMO UNAOANZA SEPTEMBA 2022.


 

Watumishi VETA Makao Makuu wafundishwa kukabiliana na majanga ya moto

 

Watumishi wa Mamlaka ya Elimu na Mafunzo ya Ufundi Stadi (VETA) Makao Makuu wamepatiwa mafunzo ya namna mbalimbali za kukabiliana na kuchukua tahadhari dhidi ya majanga ya moto.

Akizungumza wakati wa ufunguzi wa mafunzo hayo, tarehe 16 Juni 2022 kwenye ofisi za VETA Makao Makuu, jijini Dodoma, Kaimu Mkurugenzi Mkuu wa VETA, CPA Anthony Kasore, amesema kuwa uongozi umeamua kutoa mafunzo hayo kwa watumishi ili waweze kufahamu tahadhari wanazopaswa kuchukua kuepuka majanga ya moto na njia sahihi za kukabiliana na moto pindi unapotokea.

 “Mafunzo haya ni muhimu sana kwetu wafanyakazi kwa kuwa yanatusaidia kujenga ufahamu wa namna tunavyoweza kuzuia majanga ya moto, lakini pia kukabiliana na moto pale unapotokea tukiwa ofisini na hata majumbani kwetu,”amesema CPA Kasore.

Amewataka watumishi hao kufanyia kazi mafunzo waliyoyapata ili kuepusha majanga ya moto ambayo yanaweza kuzuilika na kuepusha madhara yanayotokana na moto.

Kwa upande wake Afisa wa Jeshi la Zimamoto na Uokoaji jijini Dodoma, SSGT. Joyce Kapinga, amesema bado kuna watu wengi hawafahamu njia sahihi za kukabiliana na majanga ya moto kutokana na ukosefu wa elimu juu ya aina za visababishi vya moto na namna ya kukabiliana na moto pale unapotokea.


 “Watu wengi wanaathirika na majanga ya moto kwa kushindwa kukabiliana na moto hasa ukiwa kwenye hatua za awali, badala yake moto husambaa na kuleta madhara makubwa… naamini baada ya mafunzo haya watumishi wa VETA watakuwa mabalozi wazuri kwa watu wengine wa namna ya kukabiliana na majanga ya moto,” amesema SSGT. Kapinga.

Mafunzo hayo yaliyotolewa kwa njia ya nadharia na vitendo yamehusisha watumishi 85 wa VETA Makao Makuu kutoka idara mbalimbali.