VETA yasaini makubaliano ya kusaidia Vijana wanaoishi kwenye mazingira Magumu.

Kaimu Mkurugenzi Mkuu wa VETA Ndugu, Geoffrey Sabuni (mbele kulia) pamoja na Petula NashMkurugenzi wa IYF Nchini Tanzania (mbele kushoto) wakisaini Makubaliano ya Mradi wa VIA Jiandalie Ajira kwenye ofisi za VETA Makao Makuu, Jumanne, tarehe 1 Novemba, 2016. Mradi huo una lengo la kuwasaidia Vijana wanaoishi kwenye mazingira magumu wapatao 22,550 kwenye mikoa ya Dar es Salaam, Dodoma na Mtwara kwa kuwapatia Mafunzo ya Ufundi stadi, Stadi za Ujasiriamali na Maisha na ili hatimaye waweze kuwa na umahiri wa ushindani kwenye soko la ajira. Nyuma waliosimama wakishuhudia ni Josephine Meela kutoka IYF na Mkurugenzi wa Mafunzo ya Ufundi Stadi –VETA, Leah Dotto (kulia).

Mradi huo ulizinduliwa na Naibu Waziri wa Elimu, Sayansi na Teknolojia, Mhandisi Stella Manyanya   katika ukumbi wa Julius Nyerere uliopo  jijini Dar es salaam Tarehe 28/10/2016.

Mradi huu ni unatekelezwa na Mamlaka ya Elimu na Mafunzo ya Ufundi Stadi (VETA) kwa ushirikiano na shirika la International Youth Foundation (IYF) na umefadhiliwa na MasterCard Foundation.

Kaimu Mkurugenzi Mkuu wa VETA ndugu Geoffrey Sabuni na Petula Nash Mkurugenzi wa IYF Nchini Tanzania   wakipeana mkono wa pongezi mara baada ya kusaini Makubaliano ya Mradi wa Via-Jiandalie Ajira;

Kaimu Mkurugenzi Mkuu wa VETA Ndugu Geoffrey Sabuni pamoja na  Petula Nash Mkurugenzi wa IYF Nchini Tanzania  wakijadiliana mambo mbalimbali kuhusu mradi mara baada ya kusaini makubaliano.