VETA inawakaribisha wananchi wote kutembelea banda la VETA kwenye Maonesho ya Kilimo (Nanenane)

Mamlaka ya Elimu na Mafunzo ya Ufundi Stadi (VETA) inawakaribisha wananchi wote kutembelea banda la VETA kwenye Maonesho ya Kilimo (Nanenane) yanayofanyika kitaifa katika viwanja vya Nyakabindi, Wilayani Bariadi, Mkoani Simiyu kuanzia tarehe 1 hadi 8 Agosti 2020.

Katika banda la VETA, wananchi mtaweza kupata taarifa mbalimbali kuhusiana na mafunzo ya Ufundi Stadi na kujionea ubunifu wa teknolojia na zana mbalimbali kwa ajili ya kurahisisha shughuli za kilimo, ufugaji na uvuvi kama vile mashine ya kuzidua Unga wa Ubuyu inayoendeshwa kwa umeme, vifaa vya umwagiliaji, kifaa cha kurahisisha kupanda mbegu shambani, Kitanda tiba na vingine vingi.

Maonesho hayo yenye kauli mbiu “Kwa Maendeleo ya Kilimo, Ufugaji na Uvuvi Chagua Viongozi Bora 2020 " yalizinduliwa tarehe 1 Agosti 2020 na Makamu wa Rais wa Jamhuri ya Muungano wa Tanzania, Mhe. Samia Suluhu Hassan na yanatarajiwa kufungwa rasmi tarehe 8 Agosti 2020.

Karibuni sana