VETA NDANI YA ZANZIBAR - KATIKA MAONESHO NA KONGAMANO LA TATU LA WIKI YA UFUATILIAJI, TATHIMINI NA KUJIFUNZA.

Mamlaka ya Elimu na Mafunzo ya Ufundi Stadi (VETA) tupo visiwani Zanzibar tukishiriki katika Maonesho na Kongamano la Tatu la Wiki ya Ufuatiliaji, Tathimini na Kujifunza.

Maonesho hayo yanafanyika katika Hoteli ya Golden Tulip iliyopo  eneo la  Kiembe  Samaki, Zanzibar na yameanza  tarehe 17 Septemba, 2024 na yanatarajiwa kuhitimishwa tarehe 20 Septemba, 2024.

Tunawakaribisha wananchi wote wa Zanzibar kutembelea banda la VETA kupata taarifa na huduma mbalimbali zinazohusu utoaji wa mafunzo ya Ufundi Stadi na kutambua fursa zinazopatikana katika mafunzo ya Ufundi Stadi.

Kwenye banda la VETA, wananchi watapata taarifa za kina za namna ya kujiunga na Mafunzo kwenye vyuo vya VETA wakati huu ambao fomu za kujiunga na mafunzo ya muda mrefu bado zinaendelea kutolewa hadi tarehe 30 Septemba, 2024