CONTACT US: VETA Head Office, P.O.Box 2849 Dar es Salaam, Tanzania. E-mail: info@veta.go.tz / pr@veta.go.tz/ Telephone: +255 22 2863409 / Fax: +255 22 28 63408 / Url: www.veta.go.tz

Thursday, 30 November 2017

Mfumo wa kusoma kwa njia ya simu VSOMO waanza kutoa matunda.


Mamlaka ya elimu na  Mafunzo ya  ufundi Stadi  (VETA) kwa kushirikiana Kampuni ya simu ya mkononi Airtel kupitia application ya VSOMO wamewatunuku vyeti vijana zaidi ya saba walio hitimu mafunzo hayo kwa njia ya simu.

Akikabidhi vyeti hivyo ,Mkurugenzi wa VETA Kanda ya Dar es salaam, ndugu Habibu Bukko aliishukuru kampuni ya simu ya Airtel Tanzania  kwa kushirikiana nayo kupitia application ya VSOMO kwani application hiyo imeweza kusaidia wanafunzi kwa kiasi kikubwa hasa wale walio mbali na vyuo vya Ufundi stadi.

Alisema jitiahada za kutoa masomo ya ufundi stadi kupitia application ya VSOMO zinaendana na mikakati iliyojiwekea VETA na serikali kutanua wigo wa kutoa mafunzo ya ufundi stadi.

Alisema Application hii inalenga kufikia vijana walio mbali yaani vijijini ambapo kwao ni ngumu kufikia huduma ya vyuo vya ufundi stadi vya karibu lakini pia sehemu ambapo kuna miundombinu hafifu. 

Pia aliwapongeza vijana hao kwa kutumia vyema simu zao za mkononi kwa ajili ya masomo.  
Akiongea na waandishi Mkurugenzi wa mawasiliano wa Airtell Tanzania Beatrice Singano alisema Airtell wanayo furaha kubwa sana katika kusaidia vijana kupata mafunzo ya Ufundi stadi,

Alisema kwa kupitia programu hii wana uhakika nchi itapata mafundi bora na nguvu kazi ya kutosha kwani wamejifunza kuwa vijana wanaopitia mafunzo haya ni makini na wenye uwezo mkubwa.

Aliendelea kuwahamasisha vijana kudownload application ya VSOMO Kwenye simu zao ili kuweza kupata fursa ya kuweza kupata mafunzo kwa njia rahisi sana.
Naye mwakilishi wa mkuu wa chuo cha VETA Kipawa,Harold Mganga, alisema Mpango huu umevutia vijana zaidi ya 30,000 ambao wameweza kupakua aplication ya VSOMO na kati yao, 9,000 wamejiandikisha kwa masomo
 
Alisema programu ya VSOMO ina lengo la kupanua vikwazo vya VETA kutoa masomo ya ufundi kwa jamii kote nchini.

"Hadi sasa tuna wanafunzi 54 ambao wamekamilisha kozi zao za ufundi na wametunukiwa vyeti," alisema na kuongeza,“hivi karibuni tutakuwa na kundi lingine la wanafunzi wanaomaliza masomona   tayari tuna wanafunzi 25 wanasubiri mafunzo ya vitendo yaliyotarajiwa kuanza hivi karibuni katika vyuo vyetu vya VETA .”

Aliwahimiza vijana kujiandikisha kwa ajili ya mafunzo ya ufundi kupitia simu zao za mkononi na VETA watakuwa katika huduma yao ili kuhakikisha kuwa wanafuatilia mafunzo kwa viwango vya kazi.




Monday, 20 November 2017

wanafunzi walio chaguliwa kujiunga na VETA 2018




Majina ya wanafunzi walio chaguliwa kujiunga na vyuo vinavyo milikiwa na VETA kwa mwaka 2018.
Fuata link ifuatayo kusoma majina yao . http://www.veta.go.tz/selection/

Jinsi ya kujiunga na vyuo visivyomilikiwa na VETA (Vyuo vilivyosajiliwa na VETA)



Utaratibu wa kujiunga vyuo visivyomilikiwa na VETA hutegemea na mmiliki wake. Vyuo vyote vilivyosajiliwa na VETA vinatoa mafunzo yanayokidhi viwango vya soko la ajira. Wanafunzi wote hutumia Miongozo na Mitaala iliyopitishwa na Bodi ya Elimu na Mafunzo ya Ufundi Stadi (VET Board), na wanatahiniwa na kupewa vyeti na VETA.


Sunday, 19 November 2017

Jinsi ya Kujiunga na vyuo vinavyomilikiwa na VETA



VETA imeweka utaratibu maalum kwa ajili ya kujiunga ili kupata mafunzo katika vyuo inavyovimiliki. Utaratibu ni kama unavyoelezwa hapa chini:

VETA hutoa mafunzo ya muda mrefu na mfupi na katika mifumo mbalimbali;

 Kwa mafunzo ya muda mrefu, yyuo vyote hutangaza nafasi za kujiunga mwezi wa Agosti kila mwaka. Matangazo hutolewa katika vyombo vya habari nchini pamoja na kwenye tovuti ya www.veta.go.tz;

 Mwombaji ni lazima awe amemaliza elimu ya msingi, sekondari na kuendelea;
Mwombaji huchukua fomu katika chuo chochote kilichopo karibu.  Fomu hizo zina taarifa ya vyuo vyote vinavyomilikiwa na VETA, ikiwa ni pamoja na fani zinazofundishwa na mahali chuo kilipo na kama ni kutwa au bweni;

Mwombaji anaruhusiwa kufanya mtihani wa kujiunga mkoa aliochukua fomu lakini anaweza kuchagua kusoma mkoa wowote anaochagua kulingana na mahitaji yake; 
 Mwombaji anatakiwa kufanya mtihani wa kujiunga (Aptitude Tests) mwezi Oktoba na wale wanaofanikiwa kuchaguliwa hupewa taarifa mwezi Decemba ili kuanza masomo Januari mwaka unaofuata;

Mwombaji anayefanikiwa hupewa barua ya kujiunga inayofafanua mahitaji yote muhimu. Mahitaji yanatofautiana toka chuo kimoja hadi kingine na kutegemeana na fani aliyoomba, na pia kama ni kutwa au bweni;

Kwa utaratibu huu Mwombaji anaanza kujiunga na daraja la 1(Level 1) ambalo ni daraja la chini. Waombaji wanaoendelea madaraja ya juu (Level II-III) vigezo ni ufaulu wa daraja husika unamwezesha kupanda daraja lingine.