VETA YATOA HAMASA KWA WANANCHI WA JIJI LA MBEYA KUJIUNGA NA ELIMU YA UFUNDI STADI

Wananchi mbalimbali jijini Mbeya wamejitokeza kutembelea banda la VETA na kupata elimu juu ya fursa za mafunzo zinazopatikana katika vyuo vya VETA nchini wakati wa maonesho ya Mifuko ya Uwezeshaji, Taasisi na Vikundi vya Kifedha.

Maonesho hayo yanafanyika jijini Mbeya katika viwanja vya shule ya msingi Ruanda Nzovwe kuanzia Oktoba 19 hadi 23, 2018 yenye lengo la kuwaelimisha wananchi juu ya fursa zinazopatikana katika taasisi na mifuko mbalimbali ya uwezeshaji za serikali na binafsi.

Akizungumza katika maonesho hayo Kaimu Mkuu wa Chuo cha VETA Mbeya Mhandisi Hassan Kalima amesema ushiriki wa VETA kwenye maonesho hayo umelenga kuwaelimisha wananchi na wajasiriamali juu ya fursa za mafunzo zinazopatikana katika vyuo vya ufundi stadi nchini na namna wanaweza kuzifikia fursa hizo.

Mhandisi Kalima aliwataka wananchi wa jiji la Mbeya kuchangamkia fursa za mafunzo katika chuo cha VETA Mbeya ili waweze kujipatia ujuzi utakaowawezesha kujiajiri au kuajiriwa na kuchangia katika nchi ya Tanzania kufikia uchumi wa kati kupitia viwanda.

Mmoja wa wananchi aliyetembelea banda la VETA Benjamini Machaule amesema elimu inayotolewa na VETA katika maonesho hayo imemjengea uelewa juu ya elimu ya ufundi stadi na fursa zinazopatikana baada ya kujipatia elimu hiyo hasa uwezo wa kujiajiri mwenewe bila kutegemea kuajiriwa.

Baadhi ya wananchi waliotembelea banda la VETA wakipewa elimu kutoka kwa mmoja wa wanafunzi wa chuo cha VETA Mbeya katika maonesho ya Mifuko ya uwezeshaji, taasisi na vikundi vya kifedha yanayo fanyika katika viwanja vya Shule ya Msingi Ruanda Nzovwe jijini Mbeya.

  

Mkuu wa Chuo Cha VETA Mbeya (Katikati) Mhandisi Hassan Kalima akitoa ufafanuzi kwa mmoja wa wananchi waliotembelea banda la VETA kwenye maonesho ya Mifuko ya Uwezeshaji,Taasisi na vikundi vya kifedha yanayofanyika katika viwanja vya Ruanda Nzovwe jijini Mbeya

Wananchi waliotembelea banda la VETA wakipewa elimu namna ya mfumo wa umeme kwenye injini ya gari kwenye maonesho ya Mifuko ya Uwezeshaji,Taasisi na vikundi vya kifedha yanayo fanyika katika viwanja vya Ruanda Nzovwe jijini Mbeya.

Baadhi ya wananchi waliotembelea banda la VETA wakipewa elimu kutoka kwa mmoja wa wanafunzi wa chuo cha VETA Mbeya katika maonesho ya Mifuko ya uwezeshaji, taasisi na vikundi vya kifedha yanayo fanyika katika viwanja vya Shule ya Msingi Ruanda Nzovwe jijini Mbeya